Cəlil Qəhrəman oğlu Məmmədov müharibə başlayan gündən Füzuli cəbhəsindən Şuşayadək qızğın döyüşlərdə qəhrəmanlıqla savaşıb. Cəlil noyabrın 8-də Şuşa uğrunda həlledici döyüşdə şəhidlik zirvəsinə ucalıb.

Cəlil Qəhrəman oğlu Məmmədov 1999-cu ildə dünyaya göz açıb. Orta məktəbi və Quba Dövlət Sosial İqtisad Kollecini müvəffəqiyyətlə başa vurub. Əsgərliyi bitirdikdən sonra ali təhsil almağı arzulayırdı.

Şəhidin atası Qəhrəman Məmmədov bildirir ki, oğlu Vətən müharibəsində daim düşmənə qan udduran həmlə qruplarında yer alıb.

Cəlil Məmmədov müharibə başlayan gündən Füzuli cəbhəsindən Şuşayadək qızğın döyüşlərdə qəhrəmanlıqla savaşıb. Cəlil noyabrın 8-də Şuşa uğrunda həlledici döyüşdə şəhidlik zirvəsinə ucalıb.

Şəhid Cəlil Məmmədov Qonaqkənd qəsəbəsindəki qəbiristanlıqda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamlarına əsasən qəhrəman əsgər ölümündən sonra “ Vətən uğrunda”, “Füzulinin azad olunmasına görə”, “Xocavəndin azad olunmasına görə” və “Şuşanın azad olunmasına görə” medalları i lə təltif edilib.