Yusifov İmaməddin Niyaməddin oğlu 2002-ci il iyul ayının 22-si Qəbələ rayonu Mıxlıqovaq kəndində anadan olub.

O, 2008-ci il Fəzail Həmidov adına Mıxlıqovaq kənd orta məktəbinin birinci sinfinə gedib və həmin məktəbin doqquzuncu sinfini bitirib.

İmaməddin Yusifov 2020-ci ilin iyul ayında həqiqi hərbi xidmətə çağırılıb. Həqiqi hərbi xidmətini ilk olaraq Ağcabədi rayonunda yerləşən N saylı hərbi hissədə keçib.

2020-ci il 27 sentyabrda başlanan Vətən müharibəsində Füzuli rayonunda yerləşən N saylı hərbi hissənin tərkibində döyüşlərdə iştirak edib. 2020 ci il 10 oktyabr tarixində Füzuli-Xocavənd rayonları istiqamətində gedən döyüşlərdə qəhrəmancasına şəhid olub. Qəbələ rayonu Mıxlıqovaq kənd qəbristanlığında dəfn olunub. Bir bacısı, bir qardaşı var.

Azərbaycan Respublikasının prezidenti İlham Əliyevin müvafiq sərəncamları ilə şəhid Yusifov İmaməddin Niyaməddin oğlu ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.